Демонстранти се судрија со припадници на безбедносните сили во Египет за време на немирите кои веќе четири дена се случуваат во главниот град на Египет, Каиро. Демонстрантите се вратија на главниот плоштад во градот, откако полицијата ги избрка во текот на ноќта. Тие бараат повлекување на привремената воена власт во земјата. Според болнички извори, тринаесетмина загинале од почетокот на новите немири а многумина се приведени.
