Најмалку 106 новинари биле убиени во светот во изминатава година, соопштува мониторинг организацијата „Прес амблем кампања“ со седиште во Женева. Најмногу новинари биле убиени во Мексико – 12, а во Пакистан биле убиени 11, иако, се додава во соопштението, бројката би можела да биде повисока ако се земат предвид и исчезнатите. Во соопштението се наведува дека 20 новинари биле убиени за време на „Арапската пролет“. Тројца новинари биле убиени во Русија и по еден во Украина и во Азербејџан.