Демонстрантите во Каиро фрлаат со камења кон полицијата на третиот ден од протестите против воената власт во земјата. Во досегашните насилства загинаа најмалку 10 луѓе, а беше уништена и историската библиотека во која се чува националната архива. Армиските сили затвориле 164 луѓе, меѓу кои и малолетници, соопштуваат воени извори. Уличните битки се воделе во близина на парламентот и владините канцеларии. Демонстрантите бараат воената управа да замине и да им ја предаде власта на цивилите. Насилствата ги засенија првите парламентарни избори во земјата, по соборувањето на претседателот Хосни Мубарак.