Жестоки судири избувнале денеска меѓу полицијата и демонстрантите во Жанаозен на западот на Казахстан, каде што работниците барале поголеми заработувачки. Агенциите, повикувајќи се на сведоци, јавуваат дека полицијата отворила оган врз учесниците на протестот во центарот на градот и оти притоа имало и убиени. Властите потврдија дека имало судири и оти притоа биле повредени двајца полицајци, но не и дека имало убиени демонстранти. Овие судири се најголеми во Казахстан откако во 1991 година стана назевисна држава.
