Над 15 илјади луѓе се собрале денеска во Москва на протест против победата на владејачката партија Единствена Русија на парламентарните избори во минатата недела. Митингот се одржува на Плоштадот Болотнаја на остров на реката Москва кој е во близина на Кремљ. Организаторите имаат официјална дозвола да одржат протест кој нема да има повеќе од 30 илјади луѓе. Во Москва било забележливо големото присуство на полициски сили. Антивладини протести денеска имало и во други градови во Русија.
