Иран денеска упати протест до Соединетите Држави за нарушување на неговиот воздушен простор од американско безпилотно летало. Иранскиот амбасадор во Обединетите Нации, Мухамед Казаи испратил писмо до Советот за Безбедност и до Генералното Собрание со кое бара да бидат осудени ваквите акти и да бидат спречени во иднина. Според НАТО, безпилотното летало веројатно по грешка залутало по мисијата над западен Авганистан. Иран тврди дека станува збор за шпионска мисија и оти паднало 200 километри од границата со Авганистан.
