Австралија ги прошири санкциите против Иран поради неговата нуклеарна програма. Австралискиот министер за надворешни работи Кевин Руд соопшти дека мерките ќе бидат насочени кон лица и компании инволвирани во иранската програма за балистички проектили и нуклеарна технологија, а се забрануваат и бизнис зделки со иранскиот нафтен и финансиски сектор. Руд оцени дека има индиции оти Иран работи на развивање нуклеарно оружје.
