Високата комесарка на Обединетите Нации за човекови права, Нави Пилај, на специјалната сесија во Женева изјави дека сиријскиот режим е одговорен за злосторства против човештвото и оти овој случај треба да се најде пред Меѓународниот Кривичен Суд во Хаг. До оваа специјална сесија доаѓа откако по истрагата било утврдено дека безбедносните сили убивале и малтретирале цивили по наредба на високи функционери од режимот на Башар Ал Асад. Според Пилај, во Сирија биле убиени над 4.000 луѓе, од кои 307 деца, а околу 14.000 лица се затворени.
