Ослободени се единаесет демонстранти што беа уапсени за време на упадот во британската амбасада во Техеран, објави иранската агенција Фарс. Не се наведува причината за ослободување на, како што пишува агенцијата, приведените студенти. Според иранските закони, оштетувањето имот се казнува со затвор до три години. Толпа луѓе завчера упадна и кршеше во британската амбасада и во уште едно британско дипломатско претставништво во Техеран. Во знак на протест, Британија целосно ги прекина дипломатските односи со Иран.
Ослободени Иранци што ја нападнаа британската амбасада во Техеран
Демонстранти претураат по британската амбасада во Техеран.