Американскиот потпретседател Џо Бајден, кој вчера допатува во ненајаваена посета на Ирак, денеска се состанa со ирачкиот премиер Нури Ал Малики. Посетата на Бајден доаѓа на само неколку недели пред повлекувањето на американските сили од Ирак и како што е најавено, е со цел да се воспостават нови релации меѓу двете земји. Багдад и Вашингтон не постигнаа договор за останување на мал воен контингент и догодина, па сите американски војници ќе си заминат од Ирак до крајот на годинава.
