Велика Британија го повлекла целиот дипломатски персонал од Иран, јавија западните медиуми. До ова доаѓа откако вчера ирански демонстранти упаднаа во британската амбасада во Техеран и кршеа прозорци, превртуваа автомобили и го палеа британското знаме. Официјален Лондон вчера предупреди дека овој инцидент ќе има сериозни последици. Советот за Безбедност на Обединетите Нации најостро го осуди нападот, а американскиот претседател Барак Обама го повика Иран да се однесува одговорно.
