Русија го активираше радарскиот предупредувачки систем за ракети во својата ексклава Калининград на границите на Европската унија, како одговор на американските планови за распоредување на ракетниот штит во Европа. Според САД, штитот е неопходен за заштита од можни напади од Иран, но Русија смета дека тоа ќе ја ослабне нејзината нуклеарна моќ. Рускиот претседател Дмитриј Медведев изјави дека активирањето на системот во Калининград не ја затвора вратата за преговори со САД.
