Министерот за надворешни работи Никола Попоски денеска во Брисел ќе оддржи говор пред Комисијата за надворешни работи на Европскиот парламент во пресрет на објавувањето на нацрт-текстот на Резолуцијата за напредокот на Македонија во 2011 година. Во соопштението на министерството е наведено дека Попоски во своето излагање ќе ги презентира постигнувањата во однос на критериумите за членство на Македонија во изминатата година, како и активностите на Владата преземени по објавувањето на годинашниот Извештај на Европската комисија за напредокот на земјата.