Сомалиската исламистичка милитантна организација Ал Шабаб им забрани на 16 хуманитарни организации, меѓу кои и неколку агенции на ОН, да работат во областите под нивна контрола во централна и јужна Сомалија. Ал Шабаб ги обвини забранетите организации дека го поттикнуваат секуларизмот и неморалот и оти се противат на целосно воспоставување на исламското шеријатско право. Меѓу забранетите организации се УНХЦР, Светската здравствена организација и УНИЦЕФ. Хуманитарците соопштија дека вооружени луѓе ги нападнале и ограбиле канцелариите на неколку агенции. ОН предупредуваат дека околу 250 илјади луѓе умираат од глад во јужна Сомалија, главното упориште на Ал Шабаб.