Британската влада наметна нови санкции против Иран поради нуклеарната програма на Техеран со тоа што ги прекина сите врски меѓу британскиот финансиски сектор и иранските банки. Британскиот министер за финансии Џорџ Озборн соопшти дека од денеска сите британски кредитни и финансиски институции треба да ги прекинат сите трансакции со иранските банки, вклучително и со Иранската централна банка. Неименуван извор од американската влада, за агенцијата Асошиејтед прес, изјавил дека и САД денеска ќе воведат нови санкции кон Иран.
