Шефот на иранската новинска агенција, ИРНА, Али Акбар Џаванфекр, кој што е и советник за медиумите на претседателот, е осуден на една година затвор поради објавување материјали спротивни на исламските норми. Судот во Техеран исто така му забрани на Џаванфекр да се занимава со новинарски активности три години поради тоа што напишал дека носењето бурка на жените не било оригинална иранска практика. Ова е најнов од серијата обвинувања на соработници на претседателот Махмуд Ахмадинеџат.
