Русија оценува дека кризата во Сирија почнува да заличува на граѓанска војна. Шефот на руската дипломатија Сергеј Лавров ја повика меѓународната заедница да ги повика сите страни во Сирија, вклучително и опозицијата, да престанат со насилството. Неговите забелешки доаѓаат еден ден откако сириски дезертери нападнаа воена база во близина на Дамаск што е најсериозен инцидент од почетокот на протестите против режимот на претседателот Башар Ал Асад пред осум месеци. Русија и Кина ја блокираа резолуцијата што западните земји сакаа да ја протуркаат во Советот за безбедност на ОН, со која се осудува режимот на Ал Асад за задушување на протестите.