Турски граѓани поднеле жалби на повеќе од илјада пресуди во врска со случаи за слободата на говорот до Европскиот суд за човекови права, а бројот на новинарите кои се предмет на истрага има „замрзнувачки ефект“ врз турските медиуми, изјави генералниот секретар на Советот на Европа, Турборн Јагланд. Тој рече дека турските судии и обвинители треба да ги сменат своите гледишта за тоа што им е дозволено на новинарите да сторат и да кажат без да бидат затворени. Јагланд е во посета на Турција, каде учествува на конференција, организирана од Министерството за правда.