Американскиот претседател Барак Обама изложи план за формирање пацифичка слободна трговска зона, како начин за справување со слабиот економски раст во светот. На вчерашниот Азиско-пацифички самит за економска соработка што се одржа на Хаваите, Обама ги претстави рамките на големиот договор за слободна трговија наречен „Транс-пацифичко партнерство“ што ќе го зголеми американското лидерство во регионот. Тој исто така и се закани на Кина со казнени мерки ако не почне „да игра по правилата“ кога се работи за трговијата и за валутниот курс. Сепак, кинескиот претседател Ху Џинтао претстави конкурентска трговска агенда што почива на постоечките трговски договори.