Попоски се сретна со австрискиот државен секретар Валднер

Министерот за надворешни работи Никола Попоски се сретна со државниот секретар во австриското сојузно министерство за европски и меѓународни работи, Волфганг Валднер. Според соопштението на МНР тие разговарале за билатералните односи и можностите за нивно унапредување, како и за поддршката на Австрија во евроатланската интеграција на Македонија. Попоски побарал поддршка од Австрија за конечно процесуирање на препораката на Комисијата од страна на Советот на ЕУ, на декемврискиот состанок, оваа година.