Шефицата на ММФ, Кристин Легард, ја предупреди Русија да не биде самозадоволна поради буџетската криза во евро-зоната, посочувајќи дека руската економија е се уште ранлива поради домашните слабости. По средбата со рускиот претседател Дмитриј Медведев во Москва, Легард оцени дека Русија е од „преживеаните“, но предупреди дека Москва мора да ја диверзифицира својата економија и да не се потпира толку на извозот на нафта и на гас. Таа предупредува и на зголемените владини трошења во пресрет на парламентарните избори што треба да се одржат годива и претседателските избори закажани за 2012 година.