Вицепремиерката за европски прашања Теута Арифи денеска се сретна со шведскиот министер за европски прашања Биргита Олсон, со претседателот на парламентарната Комисија за европски прашања Карл Хамилтон и со Бјорн Лирвал политички директор во Министерството за надворешни работи. Во соопштението од секретаријатот за европски прашања е наведено дека на средбите се разговарало за актуелните политички и економски состојби во Македонија, функционирањето на меѓуетничките односи, со акцент на процесот на евроинтеграција. Во продолжение на соопштението е наведено дека на средбите билo изразено задоволство од нивото на билатералните односи, и потврдена поддршката од Шведска за европската интеграција на Македонија.