Косовските Срби повторно поставија блокада на преминот Брњак откако војниците на КФОР пред два дена ја отстранија, јавуваат српските медиуми. Овој пат тие со неколку камиони донеле земја и ја истуриле на патот каде што претхоно беше поставена блокада само со возила. Неодамна портпаролот на КФОР во Косово Уве Новицки изјави дека делумното остранување на барикадите во Северно Косово е позитивен чекор но КФОР бара овозможување на безусловно слободно движење за сите, и за мисијата на КФОР и ЕУЛЕКС и за граѓаните и претставниците на институциите. Тој додаде дека е потребно локалните Срби да прекинат со своите активности на премините и целосно да ги отстранат барикадите.