НАТО ја одложи формалната одлука за окончување на воздушната кампања во Либија, која требаше да биде донесена денеска. Претставници на НАТО ќе се состанат во петок, а во меѓувреме продолжуваат консултациите со Обединетите нации и со либискиот Национален преоден совет. Имено, лидерот на советот, Мустафа Џалил, денеска го повика НАТО да ја продолжи својата мисија најмалку до крајот на годинава.