Кралот Абдула од Саудиска Арабија, денеска треба да го објави името на новиот наследник. Објавата на новиот престолонаследник доаѓа на еден ден по погребот на принцот Султан кој почина од рак во саботата. Се очекува наследник на тронот да биде министерот за внатрешни работи принцот Најеф. Саудиска Арабија, која е сојузник на САД, се обидува да ги помири конзервативни традиции со потребите на модерната економија.
