Меѓународната организација Хјуман Рајтс Воч денеска побара од либиските власти да спроведат истрага за масовните убиства на десетици приврзаници на Моамер Гадафи. Во соопштението на организацијата е наведено дека минатата недела биле пронајдени тела на 53 луѓе со рацете врзани позади грб. Официјалните претставници се сомневаат дека убиените се поддржувачи на Гадафи и дека се убиени откако биле заробени. Организацијата бара од Националниот преоден совет да спроведе итна и транспарентна истрага за убиствата во градот Сирт. Покрај другото во соопштението е наведено дека на местото каде што е убиен Гадафи пронајдени се остатоци од тела на 95 луѓе.