Американскиот претседател Барак Обама по прогласувањето слобода во Либија го поздрави почетокот на нова ера која ветува и оцени дека националното помирување е важно по 40 години брутална диктатура и осум месеци вооружени судири. Обама додаде дека САД ќе помогнат во воспоставувањето стабилна и демократска транзиција. Новите либиски власти вчера прогласија целосно ослободување во Бенгази, градот во кој почна бунтот против режимот на Гадафи.
