Шефот на македонската дипломатија Никола Попоски денеска во Приштина изјави дека прашањето на северот на Косово не може да се реши со промена на границите, туку со интеграција. ,,Европската унија ни даде одлична рамка и тоа треба да ни биде патоказ, а не да се враќаме на решенија кои им припаѓаат на минатиот век,, оцени Попоски на прес конференцијата по состанокот со косовскиот министер за надворешни работи Енвер Хоџај кој од своја страна изјави дека ситуацијата на северот на Косово била наследена од режимот на Слободан Милошевиќ.
