Косовскиот министер Чеку во посета на Македонија

Министерот на косовските безбедносни сили Агим Чеку денеска е во еднодневна официјална посета на Република Македонија. Домаќин на Чеку е министерот за одбрана Фатмир Бесими. Претстојната средба, двајцата министри ќе ja искористат за јакнење на соработката и довербата помеѓу двете соседски земји, како и за натамошно продлабочување на воспоставените билатерални релации во делот на одбраната. Воедно за време на средбата се очекува да бидат разменети мислења во однос на политичко безбедносната ситуација во регионот. Министерот Агим Чеку ќе биде примен и од премиерот Никола Груевски.