Командантот на КФОР во Косово Генерал Ерхард Древс ги повика денеска локалните Срби во северниот дел на Косово да ги отстранат барикадите на премините. Во соопштението на КФОР е наведно дека блокадите на Јариње и Брњак треба безусловно да се отстранат затоа што така ќе се осигура безбедноста на луѓето, ќе се овозможи слободен пристап на службите за итни случаи и ЕУЛЕК и КФОР ќе можат слободни да се движат низ патиштата. Генералот денеска се сретна со претставници на општините во тој регион.