Црногорскиот претседател Филип Вујановиќ денеска во Загреб изјави дека неговата земја очекува поддршка од Хрватска за европските интеграции. Хрватската премиерка Јадранка Косор и Вујановиќ на нивната средба разговарале за подобрување на економската соработка на двете држави и евроатланските интеграции. Косор изјави дека Хрватска покажала оти борбата со корупцијата и спроведување на реформите вродиле со плод и дека ќе и понуди помош на Црна Гора за процесот на пристапување кон Унијата.