Грчката Влада денеска во Атина ги заврши средбите со претставници на Европската Комисија, Европската Централна Банка и Меѓународниот монетарен фонд. Министерот за финансии Евагелос Венизелос изјави дека сега тие треба да достават извештај по што ја очекува 6 тата транша од меѓународниот заем за Грција. Тој додаде дека државата очекува план за засилено учество на приватниот сектор и план кој ќе биде подобар од оној кој беше предвиден.
