Парламентарното собрание на Советот на Европа синоќа усвои Резолуција за политичката ситуација на Балканот. Резолуцијата беше усвоена на вонредната дебата за ситуацијата на Косово и односите на Косово со Србија и на политичката ситуација во Босна и Херцеговина и Албанија. Во дебататта голем дел од парламентарците изразија загриженост поради судирите на северот од Косово, блокирањето на преговорите меѓу Белград и Приштина, политичкиот ќорсокак во БиХ.Главните пораки во Резолуцијата се да се сочува мирот и безбедноста во Косово , да се продолжи дијалогот меѓу Приштина и Белград и политичките лидери во БиХ да најдат решение без одлагање на политичкиот ќорсокак и да ја спроведат пресудата на Европскиот суд за човекови права со што ќе им се гарантира на малцинствата да бидат вклучени во изборите.
