Грчката полиција денеска се судири со дел од демонстрантите во Атина за време на масовните протести. Полицијата соопшти дека морала да употреби солзавец за да се справи со групата демонстранти кои фрлале камења врз парламентот. Околу 20 илјади луѓе денеска излегоа на протести во Атина поради новите владини мерки за штедење. Грчката влада и денеска води разговори со меѓународните ревизори кои испитуваат колку реформи направила земјата и дали може да ја добие следната транша од спасувачкиот пакет.
