Генералниот секретар на НАТО Андерс Фог Расмусен денеска изјави дека Алијансата нема да се меша во борбата на Турција против курдските бунтовници и ја повика Анкара да се обиде по мирен начин да најде решение за тој конфликт. Тој во интервју за турски весник изјави дека НАТО нема да се меша затоа што тоа е внатрешно прашање на Турција. Расмусен ја поздрави соработката меѓу земјите-членки на НАТО и размената на разузнавачките информации со Турција.