Сириските безбедносни сили ја презедоа контролата во градот Растан каде што веќе пет дена се водат вооружени битки меѓу армијата и војниците дезертери кои се приклучиле кон отпорот, соопштија активисти за човекови права. Претседателот на сириската организација за заштита на човековите права Рами Абдел Рахма вели дека избегал од градот по синоќешните тешки пресметки. Во градот се водат првите долги битки меѓу бунтовниците и безбедносните сили по почнувањето на протестите пред неколку месеци против режимот на претседателот Башар Ал Асад.
