Еден загинат и шеесетина ранети е билансот од двојната експлозија во близина на регионалното министерство за внатрешни работи во севернокавказката руска република Дагестан. Експлозивните направи биле поставени на раздалечина од 40 метри. Во меѓувреме, имало и вооружен напад врз возилото во кое бил локалниот министер за внатрешни работи, при што биле убиени двајца луѓе. Во Дагестан скоро секојдневно има напади за кои властите ги обвинуваат локалните криминалци и исламистите.
