Демонстранти поддржани од војници кои преминале на страна на опозицијата во Јемен завзеле една база на елитната Републиканска гарда во главниот град Сана. Според новинските агенции, илјадници демонстранти и дезертери тоа го сториле без истрелан куршум, а гардистите избегале оставајќи го нивното оружје. До ова дојде откако безбедносните сили и провладини снајперисти во изминативе два дена убиле над 50 демонстранти. Во Јемен веќе осум месеци траат протестите против 33 годишното владеење на претседателот Али Абдула Салех.