Генералниот секретар на ОН Бан Ки Мун денеска пред косовски официјални лица изјави дека косовските институции треба да ја координираат својата активност со меѓународните мисии КФОР и ЕУЛЕКС во враќањето на мирот во северниот дел на Косово пренесуваат новинските агенции. Косовските власти соопштија дека претседателката Атифете Јајага и премиерот Хашим Тачи синоќа се сретнаа со Бан Ки Mун во Њујорк и побараa помош во реализирањето на мерките на властите во Приштина во северниот дел на Косово. Бан Ки Мун изјавил дека треба да се воспостави ред и стабилност во овој дел на Косово, а отворените прашања меѓу Белград и Приштина треба да се решаваат преку дијалог, а планот на Марти Ахтисаари предлага најдобри можности за српската заедница. Јајага по средбата изјавила дека е против поделбата на Косово, посочувајќи дека специјален статус за северниот дел на Косово би го поткопал планот на Ахтисари, уставот и други закони и не би ја гарантирал интеграцијата, туку разграничувањето.