Волерс:Премногу оптимистички е да се очекува решение за неколку недели

Новиот американски амбасадор во Македонија Пол Волерс денеска изјави дека се надева на некаков прогрес во спорот со името, но предупреди дека процесот трае многу долго и оти би било премногу оптимистички да се каже оти напредок ќе се постигне во следните денови или неколку недели. Тој изјави дека пред неговото доаѓање во Македонија се сретнал со медијаторот во спорот Метју Нимиц и како што вели Нимиц останува посветен на процесот и продолжува да биде оптимист дека ќе има придвижувања иако долго време работи на него. Американскиот амбасадор денеска има средба со претседателот на Парламентот Трајко Велјановски а подоцна ќе се сретне и со премиерот Никола Груевски.