Денеска во Њујорк почнува 66-та сесија на Генералното собрание на ОН, која ќе трае до 22 септември. Претседавач на заседанието ќе биде поранешниот амбасадор на Катар во ОН Насир Абдулазиз Ал Насер, кој го презеде претседателскиот чекан од неговиот претходник Јозеф Дајс, поранешен министер за надворешни работи на Швајцарија. Во својот проштален говор Дајс ги повика сите земји да не им дозволат на „новите актери“, како што е Групата 20 економски најмоќни земји, да ги маргинализираат ОН.
