Адвокатите на поранешниот началник на Генералштабот на војската на Југославија Момчило Перишиќ најавија денеска дека ќе поднесат жалба поради пресудата на Хашкиот Трибунал со која Перишиќ е осуден на 27 години затвор. Адвокатите сметаат дека водењето војна не е злосторство според меѓународното право. Откако Судот во Хаг денеска ја изрече пресудата се огласија и министерот за одбрана на Србија и директорот на центарот за истражување на воените злостортва во република Српска, кои соопштија дека казната затвор од 27 години е превисока. Перишиќ беше обвинет за помагање и поддржување на убиства и прогони на несрпски цивили во Босна и Херцеговина и Хрватска.