Хашкиот трибунал денеска го осуди на 27 години затвор поранешниот началник на Генералштабот на војската на Југославија Момчило Перишиќ. Тој е обвинет за помагање и поддржување на убиства и прогони на несрпски цивили во Босна и Херцеговина и во Хрватска од 1993 до 1995 година. Судењето на генерал Перишиќ кој во 2005 доброволно му се предаде на Трибуналот почна три години потоа. Тој се изјасни за невин по сите точки на обвинението.
