Приштинските власти планираат на премините да испратат свои цариници што Србија нема да ги прифати, ниту пак тоа е договорено во Брисел, рече шефот на преговарачкиот тим на Белград Борислав Стефановиќ. Тој на косовските власти им порача дека тоа е неприфатливо за Србија и предупреди дека таквиот чекор на Приштина може да предизвика опасни последици. Стефановиќ потенцира дека премините не биле тема на дијалогот меѓу Белград и Приштина во минатата недела во Брисел кога бил постигнат договор само за царинските печати.
