Проектот за креативни бизниси на УСАИД денеска ќе ги додели сертификатите на креативните претприемачи кои успешно ги завршија првите сесии на обуките од бизнис тренинг програмата и обуката за подготвеност за настап на пазар. Ќе бидат објавени и победниците на конкурсот за бизнис план на кои ќе им биде доделен грант за поддршка на нивниот бизнис. УСАИД Проектот за креативни бизниси е тригодишен проект кој има цел да го поттикне развојот на секторот на креативните индустрии во Македонија, преку креирање можности за вработување и зголемени приходи за креативните микро и мали претприемништва.