Министрите за надворешни работи на Македонија и Бугарија Никола Попоски и Николај Младенов денеска во Софија го потпишаа меморандумот за соработка за евроатлантските интеграции, со кој се предвидува земјава да учи од бугарските искуства како да ги зајакне административните капацитети, иако Софија е силно критикувана од Брисел токму за недоволно ниво на административните капацитети. Претходно, Попоски кој е во официјална посета на Бугарија, се сретна и со претседателот на народното собрание Цецка Цачева.
