Вицепремиерката за европски прашања, Теута Арифи денеска изјави дека очекува извештајот од Европската комисија за напредокот на Македонија да биде реален со некоја добра средна оценка затоа што и двете страни имаат причина да бидат задоволни од сработеното. Таа додаде дека до надлежните во ЕК се доставени одговорите на сите прашања и задачи што го доби Македонија во пресрет на објавувањето на извештајот. Арифи испратила писмо до грчкиот заменик премиер Теодорос Пангалос во кое како што вели се содржани добри намери и идеи за соработка. Во врска со престојната можна средба на двајцата премиери на Македонија и Грција, на маргините на годишното собрание на Обединетите Нации во Њујорк , Арифи истакна дека албанскиот политички фактор во земјава не врши притисок туку даваат максимален придонес да има не само решение за спорот, туку и да се забрзаат што повеќе евроатланските интеграции.