За околу 210.000 основци, од кои 20.000 првачиња и за 90-ина илјади средношколци почнува учебната 2011/2012 година. Поради топлото време, министерствата за образование и за здравство препорачаа скратени часови денеска и утре и настава до пладне.Новини оваа учебна година се задолжителна дополнителна и додатна настава, школи за родители чии деца имаат слаб успех , електронски дневник и екстерно тестирање на учениците за да се оцени објективноста на наставниците.
