Германската канцеларка Ангела Меркел денеска ќе допатува во повеќедневна работна посета на Словенија, каде што со премиерот Борут Пахор ќе разговара за решавање на должниката криза во еврозоната, како и за ситуацијата на Западен Балкан. Меркел во минатата недела престојуваше во Загреб и Белград, а Пахор беше во кратка посета на Белград каде што разговараше со претседателот на Србија Борис Тадиќ. Се очекува за време на посетата на Меркел на Љубљана да биде потпишан и протокол за продлабочување на соработката меѓу Словенија и Германија.
