Куба, според САД, останува држава спонзор на тероризмот, покажува годишниот извештај за глобалниот тероризам на американскиот Стејт Департмент. Во извештајот се нотираат врски на Куба со колумбиските буновници како и со други организации кои прибегнуваат кон насилство. Се наведува дека владата на Куба јавно декларира дека се залага против тероризам и финансирањето тероризам, но оти нема докази дека ги прекинала односите со елементи на Револуционерните вооружени сили на Колумбија.